Štóž bě zmužity, smědźeše při picowanju Alpakow pomhać. | Wer sich traute, durfte bei der Alpaka-Fütterung helfen.
Alpaki su jara dowěrliwe zwěrjata. | Die Alpakas sind sehr zutrauliche Tiere.
Mjedwjedźy su imposantne zwěrjata. | Die Braunbären sind imposante Tiere.
Mjedwjedźowe hajnišćo w Biskopičan zwěrjencu je chětro znate. | Das Bärengehege des Tierparks in Bischofswerda ist ziemlich bekannt.
Hladarka zwěrjatow předstaji nam łasyčku. | Die Tierpflegerin zeigte stellte uns ein Frettchen vor.
Mału łasyčku smědźachmy samo pohacać. | Das kleine Frettchen durfte sogar gestreichelt werden.
Kaž tež hižo posledne lěto, tak smy sej tež lětsa wulećeli z našimi senjorami dnjoweje hladarnje. Na zachodne durje našeje dnjoweje hladarnje “Při Krabatowam puću” napisachmy rano cedlu, na kotrež steješe: “Smy sej wulećeli! Jutře smy zaso tu !” A tak zhromadnje wotjědźechmy, snano tróšku wćipni, dokelž so cil njepřeradźi.
Hižo wot ranja so kóždy doma wotewza a podachmy so na puć přez rjanu Lužisku krajinu. Łužiske hory před wočomaj sej do Biskopic dojědźechmy. Naš cil bě tamniši zwěrjenc. Zwěrjenc je přewidny, ale ma dosć rjaneho k hladanju.Při zachodźe na nas hižo młoda žona čakaše, zo by nas mohła přez Biskopičanski zwěrjenc přewodźeć.
Tam móžachmy wšelake zwěrjata widźeć, mjezdruhim dwoje družiny wopicow, polarne liški, rysa (Luchs), sławnaj mjedwjedźaj, wósliki, alpaka, wjacore družiny papagajow, nopawy, kozy, wšelake ptački a hisće wjac. Naša přewodźerka je sebi dosć časa wzała za našich senjorow, je jim derje rozchwadła. Běchmy cyle blisko małeje łasyčki (Fredchen) abo młodych wujkow, kotrež smědźachmy samo hacać. Při picowanju alpakow smědźachu Ći zmužići sobu pomhać. Na kóncu wjedźenja nam přewodźerka nopawu pokaza, tež ju smědźachmy hacać.
Bě to dožiwjace wjedźenje přez zwěrjenc. Smy sej připołdnišu přestawku zasłužili. Tak wulět ze zhromadnym wobjedom w piwowej zahrodźe zakónčichmy. Na dompuću hižo wo přichodnym cilu wulěta přemyslichmy.
Jeli ma nichtó zajim k nam do hladarnje přińć, zazwońće na nas tel.čo. 035796 / 942470